تامر حسني يرد علي هجوم حلا شيحة:مش انا الي اوعد واخلف وتقاضيتي مبلغ كبير.

12

- الإعلانات -

 تامر حسني يرد علي هجوم حلا شيحة:مش انا الي اوعد واخلف و تقاضيتي مبلغاً كبيراً.

15‏/7‏/2021 5:49 م

- الإعلانات -

تامر حسني يرد علي هجوم حلا شيحا

 

 

 

 

رد الفنان تامر حسني  علي ادعاءات واتهامات الفنانة حلا شيحا حول حذف المشاهد الرومانسية التي تجمع بينهما في فيلم (مش انا) جاء ذلك  عبر حسابه الشخصي علي موقع التواصل الاجتماعي فيسبوك قائلا (نهاركم جميل يا أغلى الناس ? الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير .)

 

 

 

واستكمل تامر حديثه (للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك  ، فا أنا مضطر  أرد هنا برضو 

…أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي  أوعد و أخلف….. الحقيقه اني إحترمت  كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده )

 

 

واضاف تامر(وبعدين الفيلم بقاله ٣ اسابيع في السينمات و الكليب موجود جوه الفيلم     هو بالنسبالك الحرام  إننا ننزل الكليب على اليوتيوب بس !!      إنما الكليب يتشاف جوه السينمات  عادي ؟؟؟؟ منطق غريب فعلاً يا حلا ،  و بعدين هو مش أنتي اللي مضيتي عقد و تقاضيتي  عليه مبلغ كبير عشان الدور دا بعينه  !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك  ؟!!!!!!)

 

- الإعلانات -

وتابع ( و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا  ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا  و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول  كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني  مثلاً  هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين).

رد تامر حسني علي هجوم حلا شيحا

 

 

تامر حسني ضيف برنامج الحكاية مع عمرو اديب

 جاء ذالك الهجوم من الفنانة حلا شيحة بعد لقاء الفنان المصري تامر حسني مع الإعلامي عمرو أديب في برنامج الحكاية علي شاشةMBC مصر وكان تامر قد خص برنامج الحكاية بكواليس كليب صعبة المقرر عرضه في عيد الاضحي المبارك وايضا كليب اغنيه (بحبك) و( مش تمثال ) من فيلم مش انا .

 اغنية بحبك من كلمات /محمد حسن
وألحان /محمد سراج 
 وتوزيع / توما

 

اغنية مش تمثال من كلمات /محمد الاياتى 

وألحان/ محمد حمزة 

وتوزيع /امين نبيل .

 

 

 

 

 

تامر حسني يحتل المركز ال21 وال22 عالمياً

في سابقة ليست الأولي من نوعها احتل المطرب والفنان المصري تامر حسني المركز ال21 وال22 عالمياً جاء ذالك عقب طرح اغنية بحبك وأغنية مش تمثال علي اليوتيوب بعد ١٨ ساعه فقط .

 

 

 

 

 

 

 

 

 

- الإعلانات -

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

HTML Snippets Powered By : XYZScripts.com